Në ndeshjet përgatitëse për sezonin aktual si dhe në ndeshjet e para zyrtare me Atleticon e Madridit, Joao Felix shkëlqeu dhe u duk se tranzicioni për të do të ishte shumë i thjeshtë.
Por shpejt situata ndryshoi, portugezi për pjesën më të madhe të sezonit ka qenë hija e atij lojtari që pritej apo që kishte treguar me Benfican.
Duke folur mbi këtë temë, ish-futbollisti i Real Madrid Van Der Vart, tregon edhe arsyen se përse Felix nuk po arrin të tregojë veten në kryeqytetin spanjoll, duke deklaruar:
“Joao Feliks është një futbollist i madh, por është në klubin e gabuar dhe në drejtimin e trajnerit e gabuar. Kur Atletiko e transferoi në verën e kaluar, menjëherë mendova se skuadra do të ndryshonte filozofinë dhe të fillonte të luante futboll”.
“Por, pa dyshim që nuk ka qenë kështu. Joao Feliks i nevojitet një tjetër stil loje për të shfaqur cilësitë e tij. Duhet të ketë topin në këmbë për të shënjuar ritmin e ndeshjes, ndërsa ekipi i Simeones nuk e ka ndonjëherë zotërimin e topit.- ka thënë mesfushori holandez.
