Policia ka dale me një deklaratë zyrtare lidhur me ngjarjen e mëngjesin të sotëm ku uniformat blu u vunë në ndjekje të një automjeti të dyshuar i cili nuk iu bind urdhërit të policisë së Korçës dhe Pogradecit për të ndaluar.
Ai nuk iu bind autoriteteve as te postblloku i ngritur në aksin Elbasan-Librazhd, pranë vendit të quajtur Krastë duke shkaktuar aksident ku goditi makinën e policisë dhe dy mjete të tjera.
Nga aksidenti mbetën të plagosur disa persona, mes tyre dhe polici Eugen Abdurrazaku. Policia sqaronon se nuk ka patur të shtëna me armë zjarri siç u raportua më herët në media.
Sipas Policisë, “rreth orës 09:00, Salla e Drejtimit Korçë, ka njoftuar Sallën e Drejtimit të DVP Elbasan se mjeti tip Pasat i zi me targa Greke IEH 3922, nuk i ka ndaluar shërbimeve të policisë Korçë dhe Pogradec dhe është larguar me shpejtësi në drejtim të Elbasanit.
Menjëherë në Librazhd është ngritur pikë kontrolli e përforcuar , por drejtuesi i mjeti sa ka parë policinë ka marrë përpara sinjalistikën e vendosur në rrugë sipas procedurës për pikë kontrolli dhe nuk i është bindur urdhërit të policisë për të ndaluar duke rrezikuar jetën e punonjësve të policisë dhe ka vijuar me shpejtësi të madhe në drejtim të Elbasanit.
Shërbimet e Policisë së Librazhdit janë vënë në ndjekje të mjetit deri në Elbasan duke mbajtur komunikim me shërbimet policisë në Elbasan.
Focat Shqiponja , ato të Patrullave të Përgjithshme dhe të Qarkullimit Rrugor, në hyrje të qytetit Elbasan në aksin rrugor Librazhd -Elbasan, kanë ngritur pikë kontrolli duke kontrolluar rrugën,.
Drejtuesi i mjetit ka tentuar të largohet duke goditur makinën e policisë dhe dy mjete të tjera.
Si pasojë është plagosur jashtë rrezikut për jetën një punonjës policie dhe 4 shtetas.”
Gjithashtu policia bën me dije se drejtuesi i mjetiti shtetasi Almirion Shehu, 27 vjec , banues në Gjirokastër është shoqëruar në Polici për veprime të mëtejshme. Ky drejtues mjeti edhe në vitin 2018 , ka kryer të njëtat veprime duke mos ju bindur urdhërit të punonëjsit të policisë për të ndaluar.
Raportohet gjithashtu se nga kontrolli i mjetit nuk u gjetën armë apo lëndë narkotike por vetëm disa targa atuomjetesh.
