Zv-kryeministri Erion Braçe, i cili njihet dhe si një tifoz i “flaktë” i Partizanit, mbrëmjen e djeshme ka qenë i ftuar në Procesi Sportiv ku ndër të tjera ka folur dhe për koret ofenduese në stadiumet shqiptare nga tifozët. Një ndër “viktimat” e tyre është dhe Braçe, i cili shpesh here dëgjon brohoritjet “Erion Braçe bibilushi” duke e ironizuar për shkak të gjatësisë së tij.
Braçe kishte kritika të forta për tifogrupet shqiptare duke e cilësuar si diçka të tmerrshme.
“Më lejoni t’iu them se kur më vijnë këta në lagje detyrohem të mbyll dopio penxhere pasi koret janë të tmerrshme, ose kur do ta shohësh në televizor duhet ta dëgjosh me zë mbyllur sepse koret e të sharave dhe të tjera me radhë janë të paimagjinueshme.” – u shpreh Braçe.
Asnjë person nuk është pro sharjeve në kor në stadiume por kritikat e nxjerra nga goja e Braçes nuk kanë asnjë vlerë. Çfarë duhet të thonë të tjerët kur Braçe në Kuvend, në tempullin e demokracisë, përdor një gjuhë që nuk përdoret as në rrugët e lagjeve geto.
Siç e shihni dhe në videon e mëposhtme, në një prej senacave plenare Braçe shthur gojën duke përdorur fjalët “shk*rdhatë”, “b*thq*r” dhe “të q* ropt”.
