Albin Kurti do e zhvillojë në Shqipëri vizitën e tij të parë si kryeministër i Kosovës. Është vetë kryeministri që ka konfirmuar vizitën në një takim që zhvilloi me Qemal Minxhozin, ambasador i Shqipërisë në Prishtinë.
“Kryeministri Albin Kurti, tha se Qemail Minxhozi është një mik i afërt i tij dhe se si kryeministër i Republikës së Kosovës, vizitën e tij të parë zyrtare do ta bëjë në Republikën e Shqipërisë”, thuhet në njoftimin e Qeverisë së Kosovës.
Gjithsesi, në njoftim nuk saktësohet se Kurtit i është dërguar menjëherë ftesa nga homologu Edi Rama, ndërkohë që betimin si kryeministër e bëri ditën e djeshme.
Në takim sikur kryeministri Kurti ashtu edhe ambasadori Minxhozi njëzëri u pajtuan se bashkëpunimi në mes dy Republikave do të jetë shumë i afërt dhe se do të vazhdojnë e do t’i rrisin investimet strategjike për të dy vendet tona.
