Kreu demokrat Lulzim Basha ka reaguar përmes një postimi në rrjetet sociale lidhur me aktin normativ anti-KÇK, të miratuar nga qeveria.
Përmes këtij ligji të posaçëm, qeveria synon të luftojë krimin e organizuar, më konkretisht në aspektin e pasurive, që mund të sekuestrohen nga policia, pa pasur nevojën e një vendimi gjykate apo kërkese nga Prokuroria.
Në reagimin e tij, Basha shprehet skeptik për rezultatet e ligjit, duke theksuar se Edi Rama prej 7 vitesh ka dështuar me këtë qeveri.
Sipas kreut të opozitës, Rama nuk mund të luftojë krimin pasi është pjesë e KÇK.
“Pas 7 vitesh dështim, një gjë është e qartë. Edi Rama dhe qeveria e tij nuk mund të luftojnë krimin dhe korrupsionin sepse ata janë vetë krimi dhe korrupsioni. KÇK nuk mund të luftojë KÇK!”, shkruan Basha.
