Pas eleminimit të liderit të ISIS, Abu Bakr Al Baghdadi, Shtetet e Bashkuara të Amerikës kanë vrarë edhe liderin e degës së Al Qaedas në Jemen, Qassim al-Rimi.
Sulmi në fjalë është ndërmarrë gjatë muajit janar pas një ndjekjeje prej disa muajsh.
Sipas “New York Times”, vrasja e tij është kryer ditë më pare, por autoritetet amerikane kanë pritur konfirmimin e plotë për ta bërë më pas publik.
Sipas Washingtonit, vrasja e al-Rimi është një goditje e fortë për grupin terrorist.
Në nëntor, CIA mori informacione për vendndodhjen e Al-Rimi, ndërsa u angazhuan drone survejues për ndjekjen e tij.
Në vitin 2017, ai i dërgoi një video-mesazh presidentit Donald Trump ku kërcënonte me sulm ndaj SHBA-ve pas një sulmi ushtarak amerikan në një bazë të Al-Qaedas në Jemen, sulmi i parë ushtarak nën presidencën e republikanit.
Al-Rimi është një veteran I Al Qaedas dhe ndër më aktivët pas sulmeve terroriste të 11 shtatorit. Ai ishte dënuar me 5 vjet burg në Jemen për tentative vrasje ndaj ambasadorit amerikan atje, por pas një viti arriti të arratisej nga burgu.
Për kokën e tij, qeveria amerikane kishte vendosur një çmim prej 10 milionë dollarësh.
