Liverpool i këtij sezoni, është një ndër skuadrat më të frikshme që ka parë ndonjëherë Premier Liga angleze.
“Të kuqtë” e Jurgen Klopp shkatërruan me rezultatin 4-0 Southamptonin në “Anfield Road”, duke vazhduar ecurinë pothuajse perfekte të skuadrës në kampionat. Skuadra është një makineri golash, pasi në gjashtë ndeshjet e fundit kanë shënuar plot 19 herë në portat kundërshtare.
Pjesa e parë përfundoi në barazim pa gola ndërsa në të dytën skuadra nuk u kursye duke shënuar katër herë. Chamberlain dhe Henderson i dhanë skuadrës avantazhin e dyfishtë në minutat 47’ dhe 60’. Më pas skenën e mori Mohamed Salah i cili shënoi një dopietë në minutat 72’ dhe 90’.
Me këtë fitore Liverpool shkon në kuotën e 73 pikëve, 22 më shumë se Manchester City i vendit të dytë.
