Eduart Zyberi, 53-vjeçari i cili u gjet i plagosur dje pranë kufomës së gruas së tij, Laureta Zyberi, 42 vjeçe, në një apartament në Xhenova, raportohet se ka pranuar se ka qenë ai autori i vrasjes së të shoqes. “Muratori, para agjentëve, ka folur fraza delirante, që në thelb rrëfejnë arsyen e krimit”, raportojnë mediat italiane.
Gruaja u godit 10 herë me thikë, si në pjesën e përparme ashtu edhe në pjesën e pasme të trupit. Për momentin, motivi më i kredituar nga hetuesit, është ai i xhelozisë. Efektivët mblodhën disa dëshmi, përfshirë ato të fëmijëve të çiftit. Askush nuk foli për grindje apo ndarje. Marrja në pyetje e autorit të dyshuar të krimit pritet në fillim të javës tjetër.
Burri aktualisht ndodhet nën arrest në spital, ku i është nënshtruar një operacioni në bark dhe është jashtë rrezikut për jetën. /BN/
Vrau gruan me thikë, pastaj qëlloi veten/ Kush është autori dhe viktima (FOTO)
