Një ditë më parë qarkulloi në rrjet një shkresë që anëtari i KLP-së, Tartar Bazaj, ia dërgonte kreut të këtij institucioni, Gent Ibrahimi, ku i shprehte shqetësimin lidhur me faktin se nuk i janë dhënë kartolinat që i janë dërguar nga qytetarët me rastin e Vitit të Ri.
Bazaj e ka marrë shumë seriozisht çështjen, duke protokolluar shkresën, madje duke përmendur edhe ligjin për të drejtën e informimit publik.
Me pak fjalë, anëtari i KLP-së, i shqetësuar sepse nuk i janë dorëzuar kartolinat që kanë shkuar në adresë të tij, ka kërkuar sqarime.
Letra zyrtare e bazajt ka shkaktuar humor në rrjet.
Së fundmi gazetari Osman Stafa përmes një postimi ka ironizuar anëtarin e KLP-së.
“E 15-ta kartolinë që i nis anëtarit të Këshillit të Lartë të Prokurorisë, Tartar Bazaj-t. Se di pse nuk i shkojnë.
Pas shumë personazhe të telenovelave që kam zgjedhur si kartolina, këtë here zgjodha dicka hyjnore, që postieri të ketë frikë Zotin nëse nuk e çon 😅😂😂”, shkruan Stafa në rrjet.
