Qeveria në mbledhjen e saj të djeshme miratoi zonat në Tiranë, që do të mund të përdoren nga Bashkia e drejtuar nga Erjon Veliaj, për ndërtimin e banesave të reja, ose të ndërtesave publike të dëmtuara apo shkatërruara nga tërmeti i 26 nëntorit.
Kështu referuar vendimeve të qeverisë, në njësitë administrative 4 dhe 8, zona 5 maji, shpallet si zonë e përshtatshme për zhvillimin e detyruar, sipas hartës dhe koordinatave bashkëlidhur këtij vendimi. Referuar vendimit, caktohet bashkia e Tiranës, si njësi zbatuese, për:
a) ndërtimin e banesave të reja ose të ndërtesave publike të dëmtuara;
b) ndërtimin e rikonstruksionin e infrastrukturës publike dhe kritike;
c) realizimin e ndërtimeve në këtë zonë;
ç) çdo ndërhyrje tjetër në funksion të rindërtimit të kësaj zone.
Një tjetër zonë, është ajo te autotraktori, njësia administrative 1, ku Bashkisë së Tiranës, i caktohet për zhvillimin e saj.
Po kështu, Bashkia e Tiranës do të mund të ndërtojë në njësinë administrative Baldushk, por edhe në zonën e Kombinatit. Vendimi parashikon që Bashkia e Tiranës ka të drejtë çdo ndërhyrje tjetër në funksion të rindërtimit të kësaj zone.
Një tjetër zonë, ku Bashkia e Tiranës ka të drejtën të ndërtojë është ajo në njësinë administrative Ndroq, Pezë, Vaqarr, Zallherr, si dhe në zonën e Universitetit Bujqësor të Tiranës.
