Agjenti i Buffon, Silvano Martina, ka bërë të ditur se portieri legjendar, do të ulet në bisedime me Juventusin për të diskutuar mbi rinovimin e kontratës së tij.
Buffon u rikthye në Torino një vit pas largimit për në Paris në radhët e PSG-së, ndërsa këtë sezon ka qenë zgjedhje e dytë pas Szczesny-t te bardhezinjtë.
Duke folur për “Tuttosport”, agjenti i lojtarit, deklaroi:
“Nuk e di se çfarë do të bëjë. Mendoj se edhe vetë Buffon nuk e di. Do të bisedojmë me klubin në fundin e muajit Mars dhe do të shohim”.
“Gjithsesi ai është i lumtur, është 42 vjeç, por kur sheh te performancat e tij kupton që është kujdesur për veten e tij”.
