Rreth orës 19:11 të kësaj të shtune përmes një avioni të forcave ushtarake turke ka mbërritur në Ankara studentja shqiptare, Silva Doçi, që jetonte dhe studionte në epiqendrën e koronavirusit në Wuhan.
Në pistën ku u ul avioni binin në sy masa ekstreme organizative marrë nga pala turke.
Për të pritur shtetasit turq dhe studenten shqiptare kishin dalë ministri i Shëndetësisë, Fahrettin Koca, prefekti i Ankarasë, si dhe Ambasadori i Shqipërisë në Ankara Kastriot Robo.
Autoritetet turke kanë deklaruar se të ardhurit nga zona e Wuhanit do te kalojnë 2 javë karantine në spitalin “Zekai Tahir Burak” në Ankara.
Pas mbarimit të karantinës, Ambasada Shqiptare do të mbështesë dhe mundësojë kthimin e Silva Doçit në Shqipëri.
