Rrugët mes Atleticos së Madridit dhe Yannick Carrasko janë bashkuar përsëri. Belgu ka nënshkruar në formë huazimi deri në fundin e sezonit me skuadrën e Simeones.
Gazetat spanjolle “Marca” dhe “AS”, deklarojnë që Carrasco i cili shënoi në finalen e Ligës së Kampioneve kundër Real Madrid në vitin 2016, është bindur të rikthehet nga trajneri Diego Simeone, pasi tentativat për të sjellë Cavanin në Madrid dështuan.
Carrasco, 26 vjeç, u largua nga La Liga në shkurt të vitit 2018, për të luajtur në Superligën Kineze të Futbollit dhe nuk ka luajtur një ndeshje zyrtare që prej 2 muajsh, kohë kur dhe kampionati në Kinë përfundoi.
