Forcat speciale RENEA kanë nisur një aksion në Shkodër për kapjen e të paktën 3 personave që dyshohet si të implikuar në rrëmbimin dhe më pas zhdukjen e Jan Prengës.
Sikundër raportohet, aksioni i RENEA-s, FNSH-së dhe policisë lokale ka nisur në orët e para të mëngjesit të sotëm.
Mësohet se policia është vënë në kërkim të shtetasve M.B, G.D dhe K.G.
Raportohet se policia ka shoqëruar dy persona banorë të Bardhaj në Shkodër, ndërsa vijon operacioni.
49-vjeçari Jan Prenga u rrëmbye në Tiranë dhe policia tha se ai ka humbur jetën si pasojë e dhunës së ushtruar.
Policia ka ndaluar 5 të dyshuarit kryesorë për ngjarjen. Bëhet fjalë për dy kushërinjtë Elton e Leonard Hajrin dhe babain e Altinit, Bajram, 64 vjeç. Në kërkim janë edhe 4 të tjerë. Dyshohet se të përfshirë janë edhe dy banda të tjera kriminale nga Shkodra dhe Vlora.
