Milani dhe Hertha e Berlinit janë në fazat e fundit për të përfunduar operacionin e transferimit të Krzystof Piatek.
Klubi gjerman ka vënë në tavolinë 27 milionë euro për qendërsulmuesin polak, i cili ka mbetur në hije në muajt e fundit.
Hertha ka përkufizuar edhe detajet e fundit për akordin me lojtarin, i cili, i vetëdijshëm se nuk po ia del te kuqezinjtë, është nisur drejt kryeqytetit gjerman, ku iu nënshtrua vizitave mjekësore.
Piatek shkon në Berlin me një rrogë të dyfishuar, pasi do të fitojë 4 milionë euro në sezon nga 2 që merrte te Milani.
Kujtojmë që polaku, po shkëlqente me skuadrën e Genoas pjesën e parë të sezonit të kaluar duke shënuar 21 gola në 19 paraqitje ndërsa në merkaton e janarit u transferua te Milani, ku dhe forma e tij u shua gradualisht.
