Një shpërthim eksplozivi ka tronditur këtë mbëmje zonën e plazhit në Durrës. Mësohet se ngjarja ka ndodhur në një lokal. Deri në këto momente nuk konfirmohet për persona të lënduar por vetëm dëme materiale. Burime për Boldnews.al bëjnë me dije se lokali është në pronësi të M.S., 59 vjeç.
“Më datë 29.01.2020, rreth orës 21:00, në lagjen Nr 13, Plazh, në murin e jashtëm të një lokali,në pronësi të shtetasit M.S.,59 vjeç, i cili ishte i mbyllur, është vendosur dhe ka shpërthyer një sasi e vogël e dyshuar si lëndë plasëse,nga e cila ka vetëm dëme materiale. Grupi hetimor ndodhet në vendngjarje dhe po punon për zbardhjen e ngjarjes dhe kapjen e autorit/ve”, njofton policia.
