Mario Morina është përforcimi më i ri dhe me gjasa i fundit në këtë merkato janari për klubin e Tiranës.
Morina ka firmosur deri në fundin e sezonit dhe në rast se do të bindë me paraqitjet e tij me shumë mundësi do të nënshkruajë një kontratë të re.
Në fakt ky është një rikthim i sulmuesit pasi ai ka luajtur për 2 vjet me bardheblutë, (2013/14,2014/15).
Pasi u largua nga 24-herë kampionët e Shqipërisë, Morina ka luajtur për disa klube shqiptare si Flamurtari, Kukësi, Kamza, dhe Dinamo para se të transferohej në IPKO Superligën e Kosovës.
