Liverpooli luan sot ora 20:45, në transfertë kundër West Ham-it. Një ndeshje e prapambetur kjo që duhej të luhej në javën e 18-të të Premier Ligës angleze.
“Të Kuqtë” vijnë pas një barazimi të papritur kundër Shrewsbury-t në Fa Cup, një rezultat që skuadra e drejtuar nga Jurgen Klopp nuk është mësuar aspak, të cilët në Premier Ligë në 23-javë, janë ndalur vetëm një herë në shifra të barabarta ndërsa nuk njohin humbje.
Nga ana tjetër West Ham, pas një fitoreje 4-0 kundër Bournemouth në ndeshjen e parë nën drejtimin e David Moyes, i është rikthyer rezultateve negative, ku në 5 ndeshjet e fundit ka fituar vetëm një herë, dhe fundjavën e kaluar u eliminuan nga West Brom Albion.
Për këtë ndeshje një mungesë e madhe për Liverpoolin është Sadio Mane pas dëmtimit që mori kundër Wolves javën e kaluar. Ndërsa do të mungojnë dhe James Milner, Xherdan Shaqiri dhe Nathaniel Clyne.
Ndërsa për West Ham situata e dëmtimeve është mjaft e rëndë. Për skuadrën nga londra veriore, priten të mungojnë plot 7 lojtarë të formacionit titullar, teksa sulmi është reparti më problematik.
Formacionet e mundshme:
West Ham (4-2-3-1): Randolph; Zabaleta, Diop, Ogbonna, Cresswell; Noble, Rice; Antonio, Lanzini, Fornals; Haller
Liverpool (4-3-3): Alisson; Alexander-Arnold, Gomez, van Dijk, Robertson; Oxlade-Chamberlain, Henderson, Wijnaldum; Salah, Firmino, Origi
