Milani pritet që të largojë plot 3 lojtarë brenda ditës së sotme. Pavarësisht se janë emra që ishin në listë për t’u larguar nga “San Siro”, nuk pritej që të gjitha këto lëvizje të ndodhnin brenda ditës.
E nisi Suso, i cili ka udhëtuar drejt Spanjës për të firmosur me Sevillan. Këta të fundit do ta marrin mëngjarashin në formë huazimi me detyrim blerjeje për 22 milionë euro, nëse arrihet Championsi këtë sezon. Pas Susos, emri i dytë është Ricardo Rodriguez, i cili do të bashkohet me Napolin për 6-7 milionë euro.
Emri i tretë është Piatek. Polaku u duk sikur do të qëndronte te kuqezinjtë, pasi Tottenham që ishte edhe ekipi i vetëm në garë u tërhoq nga gara për ta blerë sulmuesin. Gjithsesi, së fundmi është Hertha Berlin në skenë dhe gjermanët kanë gjetur marrëveshjen me Milanin për 27 milionë euro. Mbetet vetëm “ok” nga Piatek dhe transferimi do të finalizohet brenda 24 orëve.
