Ish-ministri i Jashtëm, Besnik Mustafaj, shprehet i shqetësuar për vendimin e dhënë nga gjyqtari Artan Gjermeni, për ish-deputetin, Ervin Salianji lidhur me çështjen “Geron Xhafaj”.
Mustafaj thekson se ndëshkimi i Salianjit është një përpjekje për ta dekurajuar opozitën të bëjë denoncime të aferave të mëdha, ndërsa shprehet besimplotë se në instanca të tjera e vërteta do të dalë në shesh.
“E kam parë me shqetësim këtë çështje. Salianji pretendon se janë të vërteta dhe opinioni publik ka krijuar një mendim të caktuar për provat që janë paraqitur. Por ndëshkimi i Salianjit është një përpjekje për ta dekurajuar opozitën të bëjë denoncime të aferave të mëdha.
Duke qenë se ky vendim jepet në mes të procesit të vetingut i jep mundësi Kryeministrit të ndikojë në këtë vendim, siç edhe ndodhi. Unë besoj se në instanca të tjera e vërteta do të dalë në shesh.
Salianji nuk është peshk i madh as edhe i vogël”, tha Mustafaj, në një intervistë për News24.
