Pasagjerët e avionit që po udhëtonte nga Stambolli në Qipro janë tmerruar gjatë udhëtimit. Një grua krijoi panik pasi kërcënoi se do të hidhte në erë avionin.
E mbuluar e gjitha me hijab dhe me syze të errta, gruaja ka thënë se i përkiste organizatës FETO dhe ka nisur të bërtasë duke kërcënuar se do të hidhet në erë avionin, ndërsa në dorë mbante Kuranin.
Menjëherë pas kërcënimeve, pasagjerët kanë rrethuar gruan dhe e kanë neutralizuar, ndërkohë më pas një ekip sigurie ka kontrolluar të gjithë avionin dhe nuk ka vënë re objekte të dyshimta.
Sipas mediave turke, gruaja e mbuluar pretendonte se kishte të lidhura në brezë pesë bomba të cilat do t’i shpërthente.
