Trajneri i Sampdorias, Claudio Ranieri, i kapur nga kamerat pas golit të Ronaldos me kokë, u duk i mahnitur nga ai gjest atletik i portugezit.
Ndërsa pas ndeshjes, tekniku italian e konsideroi golin e yllit të Juventusit si veprim të një basketbollisti të NBA.
“Ronaldo bëri diçka që mund ta shihni në NBA. Asgjë tjetër nuk mund të thuhet, urime dhe asgjë tjetër. Ata mund të kryejnë disa kombinime të jashtëzakonshme si bëjnë ‘Tre Tenorët’. Jam i kënaqur me paraqitjet e ekipit tim. Juventusi bëri disa gabime, por ne duhet të reagonim shpejt. Është për të ardhur keq, ishte një lojë e madhe nga ana jonë. Ata realizuan dy gola përrallorë”, tha Ranieri.
