Moderatorja e njohur e Supersportit, Vilma Masha, është bërë nënë për herë të parë. Vetëm pak minuta më parë, ajo ka postuar foton e parë të së bijës, e cila përshëndet për herë të parë botën.
“Sot në mëngjes, zoti më bekoi me një ëngjëll të vogël. Drita e saj më ndriçoi fort shpirtin…”, – shkruan Vilma Masha në profilin e saj duke falënderuar mjekun dhe stafin e spitalit në të cilin ka ardhur në jetë princesha e vogël, emrin e së cilës Vilma ende nuk e ka publikuar.
Pak ditë më parë e ftuar tek “Rudina”, Vilma ka treguar gjithçka mbi shtatzëninë dhe si e ka kaluar këtë periudhë të ëmbël.
“Në emisionet e mia jam përpjekur të vesh fustane të gjëra që të mos tregoja barkun. E kisha ruajtur për në stadium që ta kisha kujtim. Gjatë shtatzënisë kam qenë aktive, kam udhëtuar për hir të punës, më ka ecur mirë, nuk jam ankuar, ka qenë krejtësisht normale. Nuk kam pasur luhatje hormonale që thonë”, tregoi Vilma.
E pyetur si e mësoi që ishte shtatzënë, Vilma tregoi: “Bëra testin e shtatzënisë, isha me bashkëshortin, e prisja, kishim dëshirë të bëheshim me fëmijë. Kur pashë dy viza ishte shumë emocionuese, u hutova, fluks emocionesh”. Vilma u shpreh që e ndjente se gjinia e bebes ishte vajzë dhe dëshira e saj u realizua.
