Simzmologu Edmond Dushi bëri një lidhje të drejtpërdrejtë me emisionin “Open”, ku tha se tërmeti i sotëm është normale pas asaj tërmetit të fuqishëm të 26 nëntorit.
Ne e kemi theksuar disa herë që paslëkundujet do të zgjasin pak në kohë. Kjo do të zgjasë deri sa vendi i thyerjes të qetësohet, të relaksohet siç e quajmë ne në sizmologji- tha sizmologu Dushi.
Sa ka qenë numri i pasgoditjeve në total?- e pyeti moderatorja.
Deri tani që nga tërmeti i 26 nëntorit kemi rreth 2000 pasgoditje, u përgjigj sizmologu.
A është shkarkuar energjia më e madhe e akumuluar?- e pyeti Denis Durnjaja nga studioja e Open.
Tërmeti i 26 nëntorit ka shkarkuar rreth 80% të energjisë së akumuluar, ndërsa pjesa tjetër po shkarkohet në vazhdim- tha Dushi.
