Kreu i Grupit Parlamentar të Partisë Socialiste, Taulant Balla në seancën e sotme plenare teksa po diskutohej për paketën e censurës së mediave nga qeveria, kujtoi një rast personal.
Ai përmendi një video që ekziston në you tube ku pretendohet se Balla kur ka qenë fëmijë i ka kënduar një këngë diktatorit Enver Hoxha.
“Hyni në Youtube, klikoni me emrin tim, video e parë që ju del është ajo me një djalë të vogël, që këndon një këngë për Enver Hoxhën. Janë 500 mijë shqiptarë e të huaj që e kanë parë, e ka vënë ai robi atje, kënduar nga Taulant Balla për Enver Hoxhën. Ok, ti e quan reklamë. Po ç’kusur kam unë ti them tim biri që pyet, o ba pse ke kënduar këngë për diktatorin.”, – tha Balla.
Disa nga vargjet e këngës janë:
“Nga kjo dorë e shtrenjtë e xhaxhit,
karajfilat mbi qeleshet,
nëpër malet e Librazhdit
do t’i çoj çik buzëqeshje.”
