Thyhet ecuria mjaft pozitive e Los Angeleles Lakers, të cilët u mposhtën 105-103 në parketin e Indiana Pacers. Lakers vinin në këtë ndeshje pas 14 fitoreve radhazi.
Në këtë sfidë për Lakers, mungoi Anthony Davis, mungesa e të cilit u ndje shumë.
Brogdon realizoi koshin që e çoi në +2 rezultatin (104-102) 30 sekonda para rënies së sirenës, ndërsa LeBron James gaboi në gjuajtjen për tri pikë, që mund t’u jepte fitoren kalifornianëve. Paraqitje shumë e mirë për Domantas Sabonis, që realizoi “double double”, 26 pikë e 10 “rebound”, ndërsa mbreti James për pak e mbylli me “triple double” (20 pikë, 9 asist dhe po 9 “rebound”).
Ndërsa skuadra tjetër nga Los Angelesi, Clippers, kaluan pa vështirësi 120-99 Phoenix Suns. Paul Geroge shënoi 24 pikë ndërsa Kawhi Leonard u mjaftua me 20 pikë.
