Sekretari organizativ i Bashkimit Demokratik për Integrim (BDI), Artan Grubi pas seancës së Kryesisë Qendrore të partisë ka përcjellë qëndrimin se ky subjekt politik do të garojë vetëm në zgjedhje e 12 prillit, ndërsa ka porositur opozitën shqiptare që të bashkohet.
“BDI në këto zgjedhje do të shkojë e vetme, pa koalicione as me parti maqedonase e as shqiptare. Përkundrazi, i ftojmë partitë politike shqiptare në opozitë të bashkohen, të mos humbin shqiptarët vota dhe potencial të deputetëve në Kuvend. Shpresojmë se ata do të arrijnë të bashkohen që të mos humbin shqiptarët”-pohoi Grubi.
