Një grup kriminal i trafikut të drogës është shkatërruar nga autoritetet italiane, ku në pranga kanë rënë 12 persona, nëntë prej të cilëve shqiptarë dhe tre të tjerë italianë.
Aktiviteti i këtij grupi ishte trafikimi i drogërave të llojit marijuanë, kokainë, heroinë, hashash nga Shqipëria e Holanda drejt Brindizit, Leçe e Taranto.
Sipas mediave italiane, policia ka sekuestruar 5 tonë marijuanë, 15 kg heroinë, 2 kg kokainë, 1 kg hashash , 2 gomone, 3 automjete, 2 pistoleta me numër serie të fshirë e një sasi fishekësh.
Sakaq, grupi zotëronte disa laboratorë për përpunimin e kokainës, heroinës dhe të marijuanës.
