Një i moshuar është gjetur i pajetë dje në një përrua në Golaj të Hasit, njoftoi këtë të mërkurë policia lokale. Dyshohet se ai ka humbur jetën nga ataku kardiak.
“Në lagjen Pla i Patës në fshatin Golaj, Has, në një përrua është gjetur i vdekur nga familjarët e tij shtetasi, M.D., 76 vjeç, banues në fshatin Golaj, Has. Nga veprimet e kryera, rezultoi se viktima nuk kishte shenja dhune në trup dhe se vdekja ka ardhur si rezultat i një ataku kardiak që ka pësuar ky shtetas pas rënies në kontakt me ujin e ftohtë. Materialet për veprime të mëtejshme i kaluan Prokurorisë së Rrethit Gjyqësor Kukës për ngjarje aksidentale”, njoftoi policia.
