Ish-lojtari i Juventus, Mehdi Benatia, i cili aktualisht luan për Al-Duhail në Katar, në një intervistë për “RMC Sport” foli rreth ish-shokut të tij të skuadrës, Cristiano Ronaldo.
Benatia, foli për mentalitetin e Ronaldos duke ndarë dhe një tregim gjatë rikthimit në Torino teksa kishin luajtur ndaj Atalantës.
“Ndaj Atalantës unë dhe Ronaldo nuk luajtëm pasi tre ditë më vonë kishim një tjetër ndeshje të rëndësishme”.
“Në autobus gjatë rrugës për në Torino, Ronaldo më thotë: Cfarë do të bësh kur të kthehemi? Unë u përgjigja: Është ora 11 e darkës, do të shkoj në shtëpi, pse?”
“Ndërsa ai shtoi: Do të vish me mua të zhvillojmë një seancë stërvitore të shkurtër? Nuk djersita në këtë lojë, duhet të stërvitem”.
“Ndërsa unë i shpjegoja se nuk ishte e mundur, thjesht doja të shkoja në shtëpi, të shikoja televizion”.
“Kur u kthyem, të gjithë ishin veshur normalisht, por Ronaldo veshi rrobat e stërvitjes, atletet, dhe u drejtua drejt palestrës. Mendova me vete, ky nuk është normal”.
“Kur je me të vazhdimisht në jetën e përditshme, ti respekton personin që ai është fillimisht dhe më pas atë si lojtar”.
