Mëngjesin e sotëm rreth 800 punojnës të Uzinës së Përpunimit të Naftës në Ballsh kanë protestuar. Shkak i protestës ka qenë fakti se punonjësit kanë rreth 4 muaj të papunë dhe dy muaj pa marrë pagesat siç ju premtua nga administratori.
800 punonjës kanë mbetur të papunë që nga fundi i shtatorit të këtij viti për shkak se Uzina e Ballshit ka ndaluar punën prej 4 muajsh.
Uzina ka ndalur punën për shkak të mungesës me furnizim me lëndë të parë nga kompania nxjerrëse e naftës “Bankers”, shkruan fax web .
Sipas punonjësve të Uzinës së Ballshit, punëtorët prej dy muajsh (tetor -nentor) janë paguar me pagese prej afro 25 mijë lekë sikurse ju premtua nga administratoret për aq kohë sa do të mungonte lënda e parë. Punëtoret kanë kërkuar ndërhyrje të qeverisë shqiptare dhe Ministrisë për të ndërhyre dhe për të zgjidhur këtë problem. Për aq kohë sa punonjësit do të jenë të papunë dhe në këtë situatë ata janë shprehur se do të protestojnë.
