Kryeministri Edi Rama propozoi fundjavën e kaluar që Arben Ahmetaj të emërohej ministër i Shtetit për Rindërtimin, pas tërmetit të 26 nëntorit që goditi vendin, duke shkaktuar 51 viktima, mbi 900 të plagosur dhe shkatërruar me qindra banesa.
Dekreti për emërimin e Ahmetajt u firmos brenda pak minutash nga Presidenti Ilir Meta, ndërsa nga PD dhe në rrjetet sociale pati mjaft reagime, duke pasur parasysh akuzat ndaj ish-ministrit të Financave, i cili u largua nga qeveria në fillim të 2019.
Ndërkohë ditën e sotme, ish-ministri i Drejtësisë, Ylli Manjani, ka ironizuar emërimin e Ahmetajt si ministër të Rindërtimit.
Madje Manjani bën një krahasim mes tij dhe Sudes (Maksude Kadëna, një prej drejtueseve të firmave rentiere të para 1997).
“Ore a thua me këtë amnisti del Sudja nga burgu?
Do mbidhte fonde më shumë se konferenca e donatorëve dhe ministri i rindërtimit”, ironizon Manjani në rrjet.
