Një 43-vjeçar u arrestua nga policia në Tiranë, pasi aksidentoi një të ri dhe më pas u largua nga vendi i ngjarjes.
Personi i vënë në pranga është shtetasi A. A., 43 vjeç, banues në Tiranë. Ky shtetas duke qarkulluar me mjetin veturë, tip ‘”Volkswagen” ka përplasur shtetasin D. B., 33 vjeç, i cili ndodhet në spital në gjendje të rëndë për jetën.
Aksidenti ka ndodhur në rrugën “Demokracia”, në afërsi të degëzimit të rrugës “Ali Asllani”, Kamëz.
Pas përplasjes, drejtuesi i dyshuar i mjetit është larguar nga vendi i aksidentit, por është arrestuar disa orë më pas pas identifikimit nga uniformat blu.
Materialet i kaluan Prokurorisë se Rrethit Gjyqësor Tiranë, për veprat penale “Shkelja e rregullave të qarkullimit rrugorr” dhe “Largim nga vendi i aksidentit”.
