Spektakël, përmbysje dhe 6 gola. Kjo ishte pasditja e jashtë zakonshme e Bayern-it të Munih-ut, të cilët arritën një fitore tenistike 6-1 ndaj Werder Bremen.
Miqtë kalojnë në avantazh me anë të Milot Rashicës, I cili arrin që të dhurojë spektakël ndaj Baoateng dhe më pas të mposhtë Neuer me “predhë” në hyrje të zones, duke mos I lënë asnjë shans Neur-it.
Reagimi i Bayernit është mjaft i mirë duke përmbysur gjithçka në harkun e 4 minutave në fundin e pjesës së parë. Gnabry shkëputet mjaft mirë në minutën e 45-të dhe më pas shërben për Coutinhon, i cili e ka të thjeshtë për ta shtyrë topin në rrjetë. Në minutën e katërt shtesë të pjesës së parë, braziliani shërbeu për Lewandowskin, teksa polaku me qetësi arrin që të shënojë golin e avantazhit.
Në pjesën e dytë, Coutinho kompletoi ditën e tij perfekte duke shënuar edhe dy gola për të marrë topin në shtëpi, ndërkohë që Lewëndowski do të realizonte golin e dytë personal. Muller ishte lojtari tjetër që shënoi emrin në listën e golashënuesve. Dortmundi ndërkohë fitoi me “poker” 4-0 ndaj Mainz në transfertë, Reus, Sancho, Hazard dhe Schulz ishin autorët e golave për verdhezinjtë.
https://www.youtube.com/watch?v=4Yo6oGWQg7A
https://www.youtube.com/watch?v=f1lKYObMlSs
