FOTO/ Pa patentë, kush është 17-vjeçari që humbi jetën në aksident

Përditësuar/ I riu që shihni në foto është Myftar Xhebro, 17-vjeçari i cili humbi jetën në aksionin e ndodhur orët e vona të së premtes në Gjirokastër. Ai ishte nën drejtimin e një mjeti tip “Benz” që ka dalë nga rruga dhe është përplasur me një pemë. Impakti rezultoi fatal për jetën e 17-vjeçarit.

Myftar Xhebro

***

Ora 8:00 – Nën drejtimin e mjetit, makina del nga rruga dhe 17-vjeçari humb jetën

Ka ndërruar jetë drejtuesi i automjetit që u aksidentua orët e vona të së premtes në Gjirokastër.

Viktima është Myftar Xhebro, 17 vjeç, moshë në të cilën ligjërisht është e ndaluar të drejtosh një automjet.

“Në afërsi të ish fabrikës se këpucëve në Gjirokastër, një automjet tip Benz ka dalë nga rruga dhe është përplasur në një pemë. Për pasojë ka humbur jetën drejtuesi i mjetit, shtetasi M.Xh. 17 vjeç, banues në Gjirokastër (automjeti nuk është në pronësi të këtij shtetasi). Në vendngjarje shkoi grupi hetimor dhe po punon për zbardhjen e shkaqeve të aksidentit”, thuhet në njoftimin paraprak të policisë lokale.

LEXO EDHE  Tërmeti në Turqi/ Rama: E trishtueshme, Zoti iu dhëntë forcë...

Dyshohet se i riu lëvizte me shpejtësi tej normave të lejuara.

***

13.12.2019, Ora 23:50 – Aksident i rëndë, 1 person bllokohet në makinë

Një aksident i rëndë ka ndodhur këtë mbrëmje në Gjirokastër.

Burime nga vendngjarja bëjnë me dije se një person ndodhet i bllokuar në mjet. Personi i seksit mashkull, ende i paidentifikuar, ishte nën drejtimin e një makine që ka dalë nga rruga dhe është përplasur me një pemë. Tre autoambulanca nodhen në vendngjarje. Po punohet për nxjerrjen e shoferit nga mjeti. /Boldnews.al/