U luajtën dy takimet e orës 13:00 të Kategorisë Superiore, ato mes Flamurtarit dhe Bylisit dhe Laçit ndaj Luftëtarit.
Skuadra e Bylisit nuk shkoi më shumë se një barazim 2-2 në transfertë ndaj vlonjatëve.
Flamurtari kaloi e para në avantazh në minutën e 17-të, me anë të Xhevahir Sukaj, ndërsa në minutën e 43-të ballshiotët barazuan rezultatin me anë të Guindo-s pa mbaruar pjesa e parë në të 43-ën. Në pjesën e dytë ishte sërish Guindo i cili kaloi në avantazh Bylisin në të 60-ën.
Por nuk ishte mbyllur këtu, kur në fundin e ndeshjes Nebiu barazoi gjithçka, duke lënë Bylisin të zhgënjyer nga kjo ndeshje. Një mundësi e humbur kjo për miqtë për të marrë kreun e tabelës.
Në takimin tjetër Laçi shkatërroi 4-0 Luftëtarin, një ndeshje që nuk pati histori gjë që e tregon dhe rezultati. Me këtë fitore, Laçi, merr përkohësisht kryesimin e renditjes dhe pret në qetësi ndeshjen mes Kukësit dhe Teutës në orën 16:00.
