Komisioni i Pavarur i Kualifikimit ka shkarkuar nga detyra Mariana Velçanin kryetare në Gjykatës Administrative së Shkallës së Parë në Durrës.
Ajo u paraqit para trupës gjykuese për seancën dëgjimore të subjektit të rivlerësimit më 11 dhjetor. Trupa gjykuese përbëhej nga Firdes Shuli, Roland Ilia dhe Brunilda Bekteshi. Në cilësinë e vëzhguesit ndërkombëtar ishte i pranishëm Hans Klijstra.
Nga hetimet e KPK rezulton se Mariana Velçani nuk ka kaluar me sukses tre kriteret e Vettingut, pasurinë, figurën dhe aftësinë profesionale.
Mariana Velçani sapo ishte zgjedhur me short si anëtare zëvendësuese nga radhët e gjyqtarëve të Gjykatës Administrative në Këshillin e Emërimeve në Drejtësi.
Mariana Velçani e ka filluar karrierën në sistemin e drejtësisë në vitin 1998. Ajo ka punuar për më shumë se një dekadë si gjyqtare në Gjykatën e Beratit dhe në vitin 2014 u dekretua si anëtare e Gjykatës Administrative të Durrësit.
