Temperaturat do të vazhdojnë të ulen gjatë ditës së sotme, ndërsa priten reshje shiu dhe dëborë në zonat malore. Parashikimi ♪7shtë bërë nga Instituti i Gjeoshkencave, Energjisë, Ujit dhe Mjedisit.
Më poshtë keni parashikimin e motit për të mërkurën:
Reshjet
Të mërkurë priten reshje të dobëta në të gjithë vendin, ndërsa lokalisht mesatare në qarqet Kukës, Vlorë, Gjirokastër dhe Korçë. Në zonat malore në veri dhe lindje të vendit reshjet do të jenë në formë bore.
Temperaturat
Të mërkurën temperaturat minimale dhe maksimale të ajrit pritet të arrijnë:
në bregdet: 10 / 14 °C
në vendet e ulëta: 9 / 13 °C
në vendet malore: 2 / 6 °C
Era
Të mërkurën era pritet të fryjë mesatare, ndërsa në bregdet deri e fortë.
