Këngët pjesëmarrëse në festivalin e 58 të RTSH-së, janë publikuar të gjitha.
20 emrat më në zë të momentit konkurrojnë për të përfaqësuar Shqipërinë në Eurovizion. Organizimi këtë vit i është besuar regjisores Vera Grabocka dhe moderatores Alketa Vejsiu ndaj dhe vëmendja ndaj këtij festivali të përvitshëm po vjen e shtohet çdo ditë e më shumë.
Doni të dini se kush është kënga konkurruese në garë, që rezulton të jetë më e dëgjuara deri tani?
Elvana Gjata renditet e para me plot 470 mijë shikime, vetëm 24 orë pas publikimit.
Në vend të dytë më e klikuara është Arilena Ara, me 157.961 klikime.
Elvana Gjata mbetet një ndër pretendentet kryesore për të përfaqesuar Shqipërinë në Eurovizion dhe kjo duket qartë pasi shqiptarët e kanë dëgjuar parreshtur këtë këngë në veçanti nga këngët e tjera pjesmarrëse.
