Pavarësisht mendimit të ekspertëve dhe alarmit të dhënë në media, drejtoresha e shkollës 9-vjeçare ‘Emin Duraku’ në Tiranë, Besa Traka, ka vendosur të shpërfillë çdo lloj rreziku, duke vendosur me ‘kokën’ e saj që mësimi të rifillojë në këtë institucion arsimor.
Boldneës.al, bëri publikë ditën e sotme akt-ekspertizën, që e nxirrte këtë shkollë me dëmtime të shumta në strukturë, si dhe e konsideronte zhvillimin e mësimit në këtë objekt mjaft të rrezikshëm për jetën e fëmijëve dhe mësuesve.
Menjëherë pas publikimit të videove dhe ekspertizës, Ministria e Arsimit u tërhoq nga vendimi i saj parë, duke theksuar se mësimi në këtë shkollë do të rishikohet pas një tjetër ekspertize, por për drejtoreshën Besa Traka, jeta e fëmijëve nuk vlen.
Drejtoresha Traka ka vendosur që t’i shërbejë partisë deri në fund, dhe të zbatojë deri në ‘vdekje’ urdhrat e kryeministrit, duke mos marrë parasysh në asnjë moment se të gjithë nxënësit që zhvillojnë mësim në këtë shkollë janë minorenë.
Mesa duket për Besën e partisë ka vetëm një rregull, që të ulim sa më shumë dëmtimet në shkollë, të fshehim paaftësinë apo dhe vjedhjen e fondeve që janë dhënë për rikonstruksionin e saj
Besa Traka është vënë e gjitha në shërbim të rilindjes, dhe kërkon me çdo kusht që këtë objekt ta paraqesë si të padëmtuar, duke mos i interesuar në asnjë sekondë të vetme jeta e minorenëve që do të rrezikohet duke u ulur në bankat e shkollës nesër.
