Paris Saint-Germain dhe Neymar do të jenë bashkë deri në fundin e sezonit ku më pas në merkaton e verës do të negociohet një marrëveshje për largimin e tij.
Largimi i brazilianit nuk ndodhi verën e kaluar, pasi klubi francez arsyetoi që oferta e bërë nga klubi i Barcelonës nuk ishte e mjaftueshme, por dëshira e lojtarit për largimin qëndron e njëjtë, ndërsa PSG do të shqyrtojë ofertat. – raporton “Marca”.
Kërkesat e klubit për të përfituar 300 milionë euro për shitjen e tij nuk janë më realiste dhe do të fillojnë të negociojnë për oferta rreth shifrës 180 milionë euro.
Qëndrimi i PSG-së ndaj Neymarin është ndryshe me atë ndaj Mbappes, ku klubi dëshiron me këmbëngulje qëndrimin e francezit në qytetin e tij të lindjes. Një detyrë e vështirë kjo duke pasur parasysh këmbënguljen e Real Madrid për 20 vjeçarin.
