Një aksident me vdekje ka ndodhur pasditen e sotme në periferi të kryeqytetit. Viktimë ka mbetur një burrë rreth të 60-tave.
“Rreth orës 16:56 në fashtin Prezë, Vorë automjeti me drejtues shtetasin A.L. ka aksidentuar një këmbësor ende të paidentifikuar rreth 60 vjeç. Si pasojë e dëmtimeve të marra këmbësori ka ndërruar jetë”, njoftoi policia.
“Drejtuesi i automjetit shtetasi A. L është shoqëruar në komisariat për veprime të mëtejshme hetimore. Policia rrugore ndodhet në vendngjarje ku vijon punën për sqarimin e rrethanave të ngjarjes, si dhe identifikimin e trupit të pajetë”, shtuan të njëjtta burime.
