Te Juventusi ka një krizë për sa i përket repartit të mesfushës.
Bentancur u zëvendësua në minutën e 40-të duke çaluar, ndërsa pas ndeshjes, Mauricio Sarri, tha se uruguajani mund të ketë një dëmtim të rëndë të gjurit.
“Bentancur do të zhvillojë analizat, ligamenti kolateral duket të ketë probleme, por do të zbulojmë shkallën e dëmtimit, Bentancur është lojtar kyç për ne dhe e ndjemë mungesën e tij sapo doli nga loja”. – tha Sarri për DAZN.
Në ndeshjen e ardhshme ndaj Udinezes, Juventus duhet të bëjë pa Sami Khediran që do të mungojë për 3 muaj, do të mungojnë dhe Pjaniç me Cuadrado-n për shkak kartonësh, ndërsa Douglas Costa, Aaron Ramsey dhe Adrien Rabiot kanë shqetësime muskulore dhe nuk janë në formën e duhur fizike.
Në lidhje me këtë situatë, Sarri deklaroi se duhet të gjejnë një zgjidhje për situatën, duke alternuar lojtarët, nëse Ramsey dhe Rabiot nuk do të jenë të gatshëm për atë sfidë.
