Një vajzë 25 vjeçe mbeti e vrarë mbrëmjen e djeshme pasi disa persona tentuan ta grabisnin e më pas e goditën me thikë.
Ngjarja e tmerrshme ndodhi mbrëmjen e së shtunës (7nëntor) në Rushden, Northants.
Pavarësisht përpjekjeve të mjekëve të cilët arritën në vendin e ngjarjes, 25 vjeçarja nuk arriti t’i mbijetonte plagëve të marra.
Policia ende po vijon hetimet teksa ka arrestuar dy persona të dyshuar për vrasjen e saj.
Njëri prej tyre është ende 13 vjeç ndërkohë që mbahet nën kujdestarinë e autoriteteve, ndërsa personi tjetër është 27 vjeç.
