Trajneri i PSG-së, Thomas Tuchel deklaron se është i trishtuar për situatën në të cilën ndodhet Edinson Cavani, pasi sulmuesi nuk ka hapësira në skuadër.
Sulmuesi uruguajan, ishte një titullar i padiskutueshëm përpara arritjes së Mauri Icardit, por gjërat kanë ndryshuar shumë pasi dhe forma e argjentinasit me klubin francez ka qenë mjaft e mirë.
I pyetur për Cavanin nga reporterët, Tuchel deklaroi:
“Kam folur me të. Ne të dy e dimë që është e vështirë për të”.
“Luajtëm shumë ndeshje me tre sulmues duke përfshirë një numër 9-të, dhe Mauro luajti mjaft mirë gjatë asaj periudhe , ai shënoi shumë”.
“Nëse luajmë 4-3-3, ne kemi 3 lojtarë të jashtëzakonshëm si numër nëntë, Mbappe-n, Icardin dhe atë. Jam i trishtuar, pasi nuk kam një zgjidhje tani për të. Ai nuk e meriton këtë, pasi është shumë profesional, dhe gjithmonë jep energji pozitive rreth skuadrës”.
