Aureli dhe Alesi, 10 dhe 8 vjeç, fëmijët që dolën të shpëtojnë nga tërmeti shkatërrues i 26 nëntorit pasi u hodhën nga ballkoni, kanë marrë këtë mbrëmje surprizën e jetës.
Dy të mbijetuarit që fluturuan nga dritaret e pallatit të tragjedisë në Thumanë, janë takuar me Cristiano Ronaldon, sulmuesin e Juventusit dhe Gianluigi Buffon, portierin e njohur italian.
Kryeministri Edi Rama i ka marrë djemtë me vete në Itali, ku ka realizuar takimin me futbollistët e tyre të preferuar.
“Ishte tërmet i tmerrshëm, patëm 51 të vdekur”, u shpjegon Rama dy yjeve të futbollit.
