Keylor Navas u largua nga Reali i Madridit verën që shkoi, pas pesë viteve ku shkëlqeu me klubin madrilen.
Në një intervistë për “El Chiringuito”, ai foli për herë të parë për kalimin te klubi i PSG-së si dhe për rrethanat e largimit të tij nga Bernabeu.
“Kalimi tek Reali i Madridit më ndryshoi katërciprisht jetën për mirë. Që kur isha i ri, ëndrra ime ishte Reali. I thashë “po” Madridit pa e lexuar fare kontratën. Kisha shumë klube të mëdha që ishin të interesuar për mua pas botërorit të vitit 2014 por kur agjenti im më tha që Reali kishte të gatshme një ofertë nuk e diskutova asnjë moment”.
Ndërsa në lidhje me largimin e tij nga klubi ai thotë:
“Mendoj rreth faktit se nëse dështova unë apo kush e kishte fajin. Në Madrid, ata menduan se koha ime kishte mbaruar atje. Janë shumë gjëra që ndodhën, nuk e di pse por ato thjesht ndodhën”. Por tani e kam lënë pas atë histori, tani jam te një klub që kanë besim te mua dhe qëillimi im këtu është të vazhdoj të fitoj trofe të rëndësishëm”.- tha Navas.
