Eden Hazard nuk do të jetë i gatshëm për “El Clasicon” e parë të tij ndaj Barcelonës.
Lajmin e ka konfirmuar Real Madrid me anë të një deklaratë në faqen e saj zyrtare ku kanë zbuluar një frakturë të vogël në kyçin e këmbës së tij.
28-vjeçari u dëmtua në ndeshjen që Reali i Madridit luajti ndaj PSG-së në Ligën e Kampioneve, ku fillimisht u tha që belgu do të mungonte vetëm 10 ditë. Por ekzaminimet më të fundit zbulojnë se ai do të mungojë 4-6 javë.
Ndeshja mes Barcelonës dhe Realit të Madrid luhet më 18 dhjetor, ora 20:00.
