Ish-deputetja e PD, Albana Vokshi e quan skandal urdhrin e firmosur nga kryepolici i Shkodrës, i cili i detyron efektivët e policisë që të paguajnë në pjesë të pagës për të prekurit nga tërmeti.
“Urdhër skandaloz!! Edi Rama nuk u heq 150 milionë USD oligarkëve të vet, por mban me Urdhër lekët e rrogës së policëve dhe mësuesve. Aktet duhet të anulohen me urgjencë! Shqiptarët janë vetë solidarë, i ndihmojnë siç i kanë ndihmuar vetë deri më sot vëllezërit dhe motrat e tyre”, shkruan Vokshi në një postim në rrjetet sociale.
Lidhur me urdhrin ka pasur reagime të mëparshme nga opozita. Nënkryetari i LSI-së, Petrit Vasili e cilësoi gjithashtu një skandal.
Ka pasur gjithashtu denoncime se edhe në struktura të tjera të administratës po ndiqet e njëjta skemë: Punonjësit detyrohen të japin një pjesë të rrogës.
