E gjithë familja e Cristiano Ronaldos reagoi me tone të ashpra, për padrejtësitë që sipas tyre i janë bërë Ronaldos në dy vitet e fundit.
E fundit që ka reaguar është e dashura e tij, Georgina Rodriguez, e cila me anë të një postimi të gjatë në “Instagram”, e quan portugezin të pakrahasueshëm dhe të pandalshëm dhe se përpjekjet për të minimizuar arritjet e tij do të dështojnë.
“I pakrahasueshëm, i pandalshëm, trim dhe jo-konformist”.
“Janë statistikat dhe titujt dhe ti je futbollisti me rezultatet më të mira, fituesi i Ligës së Kombeve, i Kupës së italisë, fituesi i Serisë A. Por nuk janë thjesht çmimet dhe titujt që flasin për ty, edhe pse ke shumë”.
“Ajo që të përcakton më shumë është pasioni yt, dëshira për të kaluar vështirësitë dhe puna në skuadër”.
“Ti je një inspirim në futboll dhe sport për miliona e miliona njerëz. Nuk ke frikë nga sfidat dhe dalja nga zona e rehatisë”.
